Հայ | Рус
Մուտք Գրանցվել
Med-Practic
 
Նվիրվում է վաստակաշատ ուսուցիչ Գրիգոր Շահյանին
Ծառայություններ Կազմակերպություններ Բժիշկներ Հիվանդություններ Դեղեր 03 Լուրեր Հրապարակումներ Տեսասրահ Կապ

Իրադարձություններ

Հայտարարություններ

Մեր հյուրն է

Հրատապ թեմա
 
ԱՐԱԳ ՈՐՈՆՄԱՆ ՀԱՄԱԿԱՐԳԵՐ
Մուտքագրել հայտարարություն

Խորագրեր

Գիտական բժշկությունԳիտական բժշկություն ՀիվանդություններՀիվանդություններ Ավանդական բժշկությունԱվանդական բժշկություն Առողջ ապրելակերպԱռողջ ապրելակերպ ԿոսմետոլոգիաԿոսմետոլոգիա Բժշկական իրավունքԲժշկական իրավունք Ալգորիթմեր, թեստերԱլգորիթմեր, թեստեր Թվեր, փաստեր, դեպքերԹվեր, փաստեր, դեպքեր Պատմական խրոնիկաՊատմական խրոնիկա ԱֆորիզմներԱֆորիզմներ Կարիերային սանդուղքովԿարիերային սանդուղքով ԵրեխաԵրեխա ԿինԿին ՏղամարդՏղամարդ Ռեյթինգային համակարգՌեյթինգային համակարգ

ՎԵՐՋԻՆ ՀՈԴՎԱԾՆԵՐԸ

Ի հիշատակ պրոֆեսոր Արտավազդ Սահակյանի
Ամանոր
Դենսիտոմետրիա. հաճախ տրվող հարցեր. Հեղինե Չոլոյան
ԵՊԲՀ. Էսթետիկ ներարկումներ. արդի միտումներ և անվտանգային հարցեր
ԵՊԲՀ. Բժիշկ-պացիենտ հարաբերություններից մինչև արհեստական բանականություն. հարցազրույց գերմանացի վիրաբույժի հետ
Բոլոր հոդվածները

Վերջին լուրերը

Գիտագործնական սեմինար «Վնասված պերիֆերիկ նյարդերի ժամանակակից դիագնոստիկայի և վիրաբուժական բուժման ակտուալ հարցերը» խորագրով
Հայկական բժշկական ասոցիացիայի հերթական խորհրդի նիստը նվիրված էր Առողջության համընդհանուր ապահովագրությանը
«Բուժում է Վարդանանցը» գրքի եռահատոր ժողովածուն ներկայացվեց հանրությանը
«Սլավմեդ»-ը Հայաստանում առաջինն է ներդրել ռոբոտային վիրաբուժության համակարգ
Նոյեմբերի 1-ին և 2-ին, «Ընտանեկան բժշկություն» թեմայով 12-րդ գիտաժողով՝ միջազգային մասնակցությամբ։
Բոլոր լուրերը

Դեմքի խնամք

Ինչպե՞ս ընտրել դիմաքսուք

Ինչպե՞ս ընտրել դիմաքսուք

Բարձր գինն արդյո՞ք բարձր որակի նշան է: Ոմանք կարծում են, թե կոսմետիկան որքան թանկ արժե, այնքան ավելի լավն է։ Ուրիշներն էլ համոզված են, որ բոլոր քսուկներն էլ գրեթե նույնն են եւ իմաստ չունի ավելի շատ վճարել։

Իրականում ե′ւ առաջինները, ե′ւ մյուսները սխալվում են։
 
Ոչ այնքան վաղուց, գիտնականներն այսպիսի գիտափորձ են արել։ Մի քանի հազար կանանց բաժանել են միատեսակ սպիտակ բանկաների մեջ լցված 10 տարբեր ապրանքանիշերի կրեմներ՝ առանց պիտակների։ Դրանց մեջ եղել են եւ շատ թանկարժեք, եւ դեղատնային, եւ ամենաէժանագին եւ նույնիսկ «դատարկ» կրեմներ։ Դրանք մեկ ամիս կանոնավոր օգտագործելուց հետո գիտափորձի մասնակիցները հարցաթերթիկ են լրացրել օգտագործված կրեմների վերաբերյալ իրենց տպավորությունների մասին։
 
Կրեմները մեծ մասին դուր են եկել։ Զարմանալի է, բայց փաստ, որ ամենից ավելի գոհ են մնացել ամենեւին էլ ոչ թանկ եւ շատ տարածված մի կրեմ օգտագործած կանայք։

Այդ դեպքում ինչո՞ւ են շատերը հաճախ ձգտում լյուքս նմանակին։
 
Անշուշտ, հատկապես հանրահայտ դիմաքսուկի գնի զգալի չափը նրա արտաքին տեսքի համար է։ Տարբեր մասնագետների կարծիքով դիզայնի, բրենդի եւ գովազդի համար մենք վճարում ենք արտադրանքի գնի 60-90 տոկոսը։
 
Եթե գերաստղերի կողմից ներկայացվող կոսմետիկական արտադրանքի գովազդը շարունակ պտտվում է հեռուստացույցի էկրանին, պետք է հասկանալ, որ մենք՝ գնորդներս, ենք վճարում հռչակավոր դերասանի հոնորարը։

Սակայն, ինչպես մասնագետներն են պնդում, դա չի նշանակում, թե տվյալ կրեմը կամ դիմակը բավականաչափ արդյունավետ չեն։
Ինչ խոսք, գեղեցիկ փաթեթավորումը նույնպես էժան չէ։

Հաճախ էլ արտադրողներն իրենք են բարձրացնում գինն այն «լյուքս» կանանց համար, ովքեր ցանկանում են շատ վճարել, փոխարենը՝ շատ ստանալով։ Եվ լիովին հավատացած են, որ բարձր գինը բարձր որակի եւ մեծ արդյունավետության նշան է։ Այդպիսի կանանց դժվար է համոզել, որ իրենց բակում աճող ելակից պատրաստված դիմակը ցանկացած արտադրանքից վատը չէ։

Նման հաճախորդներին գոհացնելու համար «լյուքս» կոսմետիկա արտադրողները փորձում են անդադար խոստումնալից գյուտեր անել եւ ամենաազդեցիկ տեխնոլոգիաներն օգտագործել։

Լյուքս կոսմետիկայի բարձր գինը թույլ է տալիս կիրառել թանկարժեք, արդյունավետ բաղադրամասեր՝ բնային բջիջներ, պլացենտա (կաթնասունների ընկերք), կենսաոսկի, ալմաստի փոշի, պլատին ու սեւ խավիար...

Կոսմետիկական բրենդների մեծ մասը պատկանում է երկու տասնյակ խոշոր ընկերությունների։ Միեւնույն ընկերությունը սովորաբար բաց է թողնում մի քանի հայտնի ապրանքանիշ՝ սկսած ամենաթանկարժեք «լյուքս» դասից, մինչեւ դեղատնային եւ զանգվածային կոսմետիկա։ Այս մասին կարեւոր է իմանալ։ Չէ՞ որ շատ հաճախ, գնելով ոչ թանկ կրեմ, դուք, ըստ էության, գնում եք նույն ընկերության կողմից անցյալ կամ նախանցյալ տարի արտադրված ավելի թանկարժեք բրենդը։

Թանկ ապրանքանիշն, ամենից առաջ, հետազոտություններն ու գիտական մշակումներն են, որոնք ամբողջ լաբորատորիաներ ու գիտահետազոտական ինստիտուտներ են ընդգրկում։ Ամենահաջողված եւ պահանջարկ ունեցող գաղափարները ժամանակի ընթացքում դուրս են գալիս լյուքս կոսմետիկայի սահմաններից եւ մի երկու տարի հետո անցնում դեղատնային ու զանգվածային շուկա։ Իհարկե, որոշակի ձեւափոխություններից հետո։

Ոչ թանկ կրեմներ արտադրողները հավաստիացնում են, թե էժան՝ չի նշանակում՝ վատ։ Գներն իջնում են մեծ շրջանառության, էժան աշխատուժի, ավելի էժան փաթեթավորման եւ ինքնարժեքի շուկայական կանոնավորման հաշվին։

Գիտնականները վկայում են, որ եթե սրբորեն հավատում ենք որեւէ միջոցի արդյունավետությանը, այն անպատճառ օգնում է։ Հո այդքան փողն իզուր չե՞նք տվել։

Իսկ դիմահարդարներն ավելացնում են, որ ինքնախնամքի գործում կարեւորը հետեւողական եւ եւ կանոնավոր կերպով իրենով զբաղվելն է։ Հնարավոր չէ մեկ ժամում եւ ընդմիշտ կերպարանափոխվել նույնիսկ ամենաթանկարժեք կոսմետիկայի օգնությամբ։ Բայց սեփական արտաքինի նկատմամբ ամենօրյա հոգատարությունը կայուն եւ նկատելի արդյունք է տալիս։ Իսկ դա ոչ թե թանկ է, այլ պարզապես՝ անգին։

Ի դեպ, կոսմետիկայի ամենաթանկ բաղադրամասերն են՝

  • պլատինը, որը երիտասարդացնում է՝ էպիդերմիսի մեջ էլեկտրական հավասարակշռությունը պահպանելու հաշվին,

  • դիսմուտազի գերօքսիդը, որը պաշտպանում է մաշկը ազատ ռադիկալներից, խոնավացնում այն եւ դանդաղեցնում ծերացումը,

  • Ոսկու, արծաթի մածուկը, որոնք նպաստում են բջիջների վերականգնմանը, ջահելացնում են մաշկը,

  • Սեւ խավիարի հյութը, որն արտահայտված թարմություն եւ կորով է հաղորդում հոգնած մաշկին,

  • Կաթնասունների ընկերքը, որը նույնպես երիտասարդացնում եւ թարմացնում է։

16.11.2010
Հեղինակ. Անահիտ ՀԱՅԹԱՅԱՆ
Սկզբնաղբյուր. hhpress.am
Լուսանկարը. miledy.com.ua
med-practic.com կայքի ադմինիստրացիան տեղեկատվության բովանդակության համար

պատասխանատվություն չի կրում
Loading...
Share |

Հարցեր, պատասխաններ, մեկնաբանություններ

Կարդացեք նաև

ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ

Լուրեր Ծառայություններ Գիտական բժշկություն Երեխա Թվեր, փաստեր, դեպքեր Իրադարձություններ Կազմակերպություններ Հիվանդություններ Կին Աֆորիզմներ Հրապարակումներ Բժիշկներ Ավանդական բժշկություն Տղամարդ Տեսասրահ Հայտարարություններ Հիվանդություններ Առողջ ապրելակերպ Կոսմետոլոգիա Ուղարկել բացիկ Հրատապ թեմա Դեղեր Բժշկական իրավունք Ալգորիթմեր, թեստեր Կապ Մեր հյուրն է Առաջին օգնություն Պատմական խրոնիկա Կարիերային սանդուղքով
Բոլոր իրավունքները պաշտպանված են © 2026, Med-Practic
Կայքը պատրաստվել է ՎԵԲ Օպտիմա ՍՊԸ կողմից